Fréttanetið



Fólk

Þau voru gift í 37 ár… hann ákvað að byrja með einkaritaranum… þetta er það sem gerðist

Hér er á ferðinni sönn saga sem átti sér stað í Bandaríkjunum.  Eftir 37 ára hjónaband ákvað Jake að losa sig við eiginkonuna Edith og hefja nýtt líf með unga fallega einkaritaranum sínum.

Nýja kærastan heimtaði auðvitað að þau myndu búa í margmilljón dollara glæsihöll Jake og eiginkonunnar en þar sem hann var með aðeins betri lögfræðinga á sínum snærum fékk hann vilja sínum framgengt.

skilnadur

Hann gaf Edith, sem orðin var fyrrverandi eiginkona hans aðeins þriggja daga fyrirvara til að taka saman föggur sínar og flytja út. Hún varði fyrsta deginum í að pakka saman eigum sínum í kytrur og kassa.

Á öðrum degi fékk hún flutningamenn til að koma og flytja dótið sitt á brott.

Á þriðja deginum settist hún í síðasta sinn við fallega borðstofusettið þeirra fyrrum hjóna, kveikti á kertaljósum og setti ljúfa tónlist á fóninn og hélt upp á allt saman með stórri skál af rækjum, kavíar og Chardonnay kampavínsflösku.

Þegar hún var búin að borða fór hún inn í hvert einasta herbergi í glæsivillunni og tróð hálfétnum skeljum af rækjunum, sem búið var að dýfa ofan í kavíar inn í holar gardínustangirnar og skrúfaði svo fyrir þær á endunum. Hún gekk loks frá í eldhúsinu og yfirgaf heimili sitt til fjölda ára.

Þegar fyrrum eiginmaðurinn mætti svo með nýju kærustuna var það ástarsæla og hamingja fyrstu dagana á eftir.

Síðan fór smá saman að færast þessi slæmi fnykur yfir allt húsið. Þau reyndu hvað þau gátu að þrífa allt hátt og lágt og loftuðu út dag og nótt. Ventlar voru skrúfaðir af ofnum og öllu mögulegu og meindýraeyðar leituðu að dauðum nagdýrum, teppin voru dauðhreinsuð.  Ilmolíur og grös voru hengd upp um alla veggi og alls staðar. Meindýraeyðar voru fengnir til að fylla húsið af eiturgasi til að drepa möguleg meindýr, og nýja parið þurfti að flytja úr húsinu í nokkra daga á meðan á aðgerðinni stóð. Þetta kostaði endurnýjun á dýrum teppum hússins. En allt kom fyrir ekki.

Fólk forðaðist húsið í lengstu lög vegna ólyktarinnar. Viðgerðarmenn neituðu að taka að sér verkefni á heimilinu, þar sem þeir þoldu ekki við.

Þernan og eldabuskan sögðu starfi sínu lausu.

Það kom loks að því að nýja parið þoldi ekki ólyktina í húsinu og tók þá ákvörðun að flytja sig um set.

Mánuði seinna var glæsivillan, sem var í annars mjög eftirsóttu hverfi hæst á lista fasteignasalanna ennþá óseld, þar sem enginn þoldi lyktina í húsinu.

Gróusagan af skítalyktandi húsinu breiddist út og svo fór að jafnvel fasteignasalinn var hættur að svara símtölum. Parið neyddist því til að taka stórlán hjá viðskiptastofnun sinni til að geta keypt nýja fasteign til að búa í.

Fyrrverandi frúin hringdi nú í manninn og spurði fregna hvort það gengi ekki allt vel. Hann sagði henna í hreinskilni alla söguna af skítalyktinni í húsinu og vandræðunum í kringum það. Hún hlustaði kurteislega á frásögnina og sagðist svo sakna fyrrum heimilis síns ógurlega og væri reiðubúin að slaka á kröfunum varðandi eignaskiptin ef húsið kæmi aftur í hennar hlut.

Maðurinn vissi að fyrrverandi eiginkonan hafði enga hugmynd um hversu óþolandi skítalyktin í húsinu væri og samþykkti að láta henna í té húsið að jafnvirði 1/10 hlut þess sem það var í raun virði en með því skilyrði að hún skrifaði undir eigendaskiptin samdægurs. Hún féllst á það og innan klukkustundar hafði lögfræðingur mannsins alla pappíra tilbúna til undirritunar.

Viku seinna horfðu maðurinn og nýja kærastan hans með brosi á flutningamennina bera út búslóðina þeirra, svo þau gætu flutt allt með sér á nýja heimilið sitt …. og þau pössuðu sig að gleyma nú ekki GARDÍNUSTÖNGUNUM.
Þýðing: EH.
Fréttanetið