Fréttanetið



Fólk

Sykurlöngunin HVARF… liðaverkir hurfu…eftir ÞETTA 10 daga NÁMSKEIÐ

 

– Rýni Fréttanetsins  – 10 daga hreint mataræði Margrétar heilsumarkþjálfa
– Ellý Ármanns skrifar:

 

Ég skráði mig á námskeið sem ber yfirskriftina 10 daga hreint mataræði sem Margrét Leifsdóttir heilsumarkþjálfi stýrir af sinni alkunnu snilld.

Mig hefur lengi langað að breyta mataræðinu mínu og lét loksins verða að því með því að skrá mig á þetta námskeið í febrúar eftir að vinkona mín benti mér á það en ég hugsaði með mér að nú væri kjörið tækifæri fyrir mig til að láta loksins verða að því að setja mig í forgang.

margret3

Á námskeiðinu lagði Margrét áherslu á hreina næringarríka fæðu þar sem hún einblíndi sérstaklega á grænmeti, fræ, hnetur, ávexti og glúteinlaust heilkorn svo fátt eitt sé nefnt. Margrét útilokaði líka ofnæmis- og óþolsvanda með uppbyggjandi fróðleik.

Samhliða 10 daga hreint mataræði námskeiðinu bauð Margrét upp á matreiðslunámskeið sem ég mæli sérstaklega með en það var Oddrún Helga Símonardóttir sem heldur úti vefnum Heilsumamman.com sem stýrði matreiðslukennslunni lystilega sem er ein kvöldstund sem endar með æðislegri máltíð og frábærri uppskriftarbók að gjöf sem hefur auðveldað mér að elda og útfæra nýja rétti.

margret4
Oddrún sýndi á matreiðslunámskeiðinu hvernig maður poppar amaranth. Ofurfæðan amaranth er heilkorn sem inniheldur mikið magn af próteini, kalki, járni og trefjum.

margret7
Nammikúlurnar góðu – já það er til hollt nammi!

Öflugur stuðningur
Það kom mér ánægjulega á óvart hvað stuðningur Margrétar var öflugur þessa tíu daga. Hún stofnaði lokaða Facebook-grúbbu þar sem þátttakendur fengu að senda inn spurningar og sýna hvað þeir elduðu og fleira í þeim dúr.   Þá sendi Margrét daglega hvetjandi tölvupósta á alla þátttakendur sem voru fullir af fróðleik og andlegum stuðningi því þessi tíu daga breyting tekur á.

margret6

margret5

Að svissa algjörlega yfir í hollustu en þó án þess að verða svöng var átak fyrir mig. Líkaminn minn kvartaði fyrstu dagana með alls konar ábendingum eins og hausverk, svima og syfju en það breyttist fljótt (á fjórða degi).  Ég kláraði námskeiðið samviskusamlega með stæl.

margret8
Hrökkbrauðsgerð er miklu auðveldari en þú heldur.
margret2

Erfiðast fannst mér að sleppa kaffinu og sykrinum. En auðveldara var að útiloka mjólkurvörur og hveiti úr mataræðinu.   Vellíðanin tók algjörlega yfir á þriðja degi.  Ég hreinsaði til í eldhússkápunum og ísskápnum og hóf nýtt líf. Gott líf.

Svo missti ég 4 kg á þessum tíma sem var reyndar alls ekki markmiðið.  Það var vellíðanin sem ég sóttist eftir og breytingin sem ég vildi gera á sjálfri mér og það til frambúðar en þó án þess að hætta að borða góðan ljúffengan mat og njóta lífsins.

Orkan mín jafnaðist út, sykurlöngunin hvarf, svefninn varð betri, verkir í liðum hurfu og það sama átti við um bólgur og vatnssöfnun í líkamanum.  Allt breyttist hjá mér og það á aðeins 10 dögum.

Ég ráðlegg öllum sem þetta lesa að skrá sig á þetta námskeið og byrja nýjan dásamlegan lífstíl.

snapp
e@frettanetid.is
Snapchat: earmanns