Fréttanetið



Heilsa

Magnaðir hlutir gerast fyrir líkama þinn… þegar þú drekkur kókoshnetuvatn

Margt fólk heldur því fram að kókoshnetuvatn hafi slík áhrif á heilsuna að það sé töfrum líkast. Þú hefur ef til vill heyrt umræðuna um kókoshnetuolíu og allt sem hún gerir. Í þessum pistli muntu fræðast um hin góðu og miklu áhrif sem kókoshnetuvatn hefur á líkama þinn.

Þegar þú drekkur kókoshnetuvatn þá gerast ótrúlegir hlutir í líkama þínum.  Ástæðan er að kókoshnetuvatnið og blóðvökvinn í manninum hafa nánast sömu uppbyggingu. Þetta sannast enn fremur á því að kókoshnetuvatn var notað sem blóðgjöf í átökum fyrri tíma og þannig var hægt að bjarga mannslífum.

Nú til dags er kókoshnetuvatn notað víðs vegar um heiminn. Það er kannski ekki sérstaklega gott á bragðið en ekki verður efast um hreinsandi áhrif þess og heilsusamlega virkni.  Kókoshnetuvatnið styrkir ónæmiskerfið og hreinsar í burtu gerla sem valda sýkingum í þvagrásinni, lekanda, sýkingum í gómi og kvefveirum, ágengum bakteríum, sem valda ýmsum öðrum sýkingum og taugaveiki.  Þú verður orkumeiri og hormónaframleiðslan í skjaldkirtilnum örvast ef þú drekkur kókoshnetuvatn.

Kókoshnetuvatnið virkar eins og náttúrulegt þvagræsilyf og er mikilvægt fyrir fólk sem á við nýrnavandamál að stríða. Það hreinsar þvagrásirnar og blöðruna . Eiturefnin eru einangruð og nýrnasteinarnir eru brotnir niður.

Kókoshnetuvatnið er mjög trefjaríkt svo það er hollt fyrir meltinguna. Með því að neyta þess reglulega kemst jafnvægi á magasýrurnar. Vegna þess hve það er fitulítið er óhætt að drekka það í stórum skömmtum, það mun minnka hungurtilfinningu og gera þig sadda/n sem getur jafnvel leitt til að þú losnir við auka líkamsþyngd.

Dýfðu bómullarhnoðra í kókosvatn og notaðu það til að hreinsa bólur, of olíuríka húð eða þurra húð. Kókosvatnið gerir húðina hreinni og ferskari og svitaholurnar opnast og hreinsast. Blandaðu kókoshnetuvatni saman við ólífuolíu til að hreinsa innri líffærin og losna við sníkjudýr í þarmaveggjum.

Sérfræðingar halda því fram að gott sé fyrir barnshafandi konur að nota kókosvatnið til að bæta heilsuna á meðgöngu. Með aðeins einum bolla af kókoshnetuvatni kemst jafnvægi á blóðsöltin en ójafnvægi á þeim getur valdið of háum blóðþrýstingi.

Þegar fólk drekkur of mikið að kvöldi til fær það stundum höfuðverk næsta dag. Mundu þá næst þegar þú færð þér aðeins of mikið neðan í því að nota þennan töfradrykk næsta morgun, því hann mun lækna höfuðverkinn og endurnýja þann vökva og sölt sem tapast hafa og um leið koma í veg fyrir ógleði og timburmenn.

Ef þú vilt hafa húðina þína fallega glansandi og vel nærða yfir daginn drekktu þá einn bolla af kókoshnetuvatni. Ef þú misstir mikinn vökva í ræktinni eða við líkamsæfingar geturðu náð upp orkunni með því að fá þér kókoshnetuvatn. Þetta vatn hefur jákvæð áhrif á öll kerfi líkamans styrkir ónæmiskerfið, gefur þér meiri orku, og styrkir vörn líkamans gegn gerla- og veirusýkingum.

EH
Fréttanetið

Fréttanetið