Fréttanetið



Fólk

Æðislegar íslenskar FLATKÖKUR – frá Mörtu í Berjanesi undir Eyjafjöllum – UPPSKRIFT

,,Uppskriftin er upprunin frá ömmu minni, henni Mörtu sem bjó í Berjanesi undir Eyjafjöllum,” segir Gestur Andrés Grjetarsson sem býr í Borgarnesi þegar við biðjum hann að gefa okkur uppskriftina af girnilegu flatkökunum sem hann bakaði í morgun.

,,Amma mín er dáin fyrir margt löngu síðan. Þessi uppskrift kemur til mín frá mömmu sem fékk hana frá Mörtu á sínum tíma,” útskýrir Gestur.

Marta og Andrés Andrésson bóndi og skipstjóri í Berjanesi.

Marta Guðjónsdóttir og Andrés Andrésson bóndi og skipstjóri í Berjanesi.

flatkaka3

Gestur, sem setti myndir af flatkökubakstrinum á Facebooksíðuna sína, gaf okkur góðfúslegt leyfi til að birta þær með uppskriftinni hér:

Flatkökur Mörtu 
3 bollar hveiti
1 bolli haframjöl
1 tsk salt
Sjóðandi vatn eftir þörfum.

MYNDGestur

Aðferð:
,,Ég blanda þurrefnum saman. Helli svo varlega yfir vatninu og blanda saman án þess að hnoða. Gera það laust þar til þetta er allt orðið rúllað upp í blautt degi. Þá er það pennslað með smjörlíki að utan til að halda þvi blautkenndu.”

,,Skera síðan hleif af rúllunni og fletja út. Skera svo út með undirskál eins og laufabrauð. Ég set deigið svo beint á helluna á eldavélinni. Ég hita helluna fyrst upp í botn og velti bökunum síðan á henni fram og til baka. Svo pikka ég í þær með járni svo þær gati aðeins,” útskýrir hann.  ,,Gott er lofta vel út því það kemur góður reykur af því að steikja svona beint á sjóðandi heitri hellu.”

,,Þá raða ég upp sneið ofan á sneið og velti þeim svo við þegar allt hefur verið steikt. ”

Gott að frysta 
,,Mér finnst svo gott að smella þessu eins og fimm sneiðum í poka og svo í frysti til geymslu. Svo tekur maður úr frysti og hitar í örbylgjuofni eftir þörfum. Útkoman er alltaf eins og glæný þegar flatökukurnar koma úr frystinum,” segir Gestur.

,,Sumar eldavélar hafa of-hitavara sem slekkur á hellunni þegar hita er náð. Þá er gott að nota pönnukökupönnu á gasi til að ná góðum hita,” segir þessi snilldar bakari í Borgarnesi að lokum.

elly
Ellý Ármanns
- e@frettanetid.is

Fréttanetið